Ингушский словарь PaydaDosh слова, фразы и живые примеры

тӀехье.

ер деш, лаьрхӀа тидам баь, да́шха диеза аьнна хиеташ ва со; укха тӀехьарча шерашка дукха къовсам боал исторен Ӏилманчу а, гӀалгӀай йукъарчале а. Тахан тӀаийца дош да алан, Алания яхаш. Вай истори эрсий меттал деш. Эрсий меттаца хӀ (h) оаз яц. Цудухь хӀалло яхача дешах алан хиннад, масала Наьсарех — Назрань хулаш санна. Ширача грекаши, руомоши (римлянаша) дӀаяьздаьд шоашта хьахеззача беса hallon. Эрсаша дӀаийцад хьалха латта h (хӀ) Ӏо а дуожадаь аллан (алан) . Фу нах хиннаб уж? Фу къам хиннад из? Уж вай дай ба хӀаллой . Уж тарматала кхиетам болаш къам хиннад. Цар керттиера лаьрхӀа́ча даьла цӀи ХӀалло хинной. ТӀаккха цар кхиетамахь тхо Даьла нах да яхильга, шоаех ба́шильга хиннад. Уж шоаш на́хал тӀех лоархӀаш хиннаб. МалагӀа бахьан долаш: берригаш цхьа бокъо йолаш, шоайла нийса нах. ХӀаллочо оалаш хиннад: «Сол лакхагӀ ХӀалло ва (Даьла ва), сол лохагӀ буц я». Сайл лакхагӀ а, сайл лохагӀ саг хиетац суона. Корта мукъа къам хиннад иэшача метте цаӀ туолажагӀвар хьалха а воаккхаш. Из оамал тахан а я гӀалгӀашка. ХӀаллой цу замашка доккха къам хиннад, дуккхача тукхамех диекъа а луш: аьла оалой (Магас йиллараш), ара оалой, анкой, гӀалгӀай, оалбой (Азербайджана мехка баьхараш), гаргарой, довлой (царех гуржий хьахиннаб), дугрой (уж хӀирех дӀакхийттаб), къоаршой, малхрой, нашхой, товрой, соанарой, гӀаьбартой (уж черсех дӀаийнаб). Уж деррига тукхамаш — цхьа къам хиннад, тахан вай бувца мотт а бувцаш.